கிரிமியன் விரிகுடாவில் உள்ள தொல்பொருள் ஆய்வுப் பகுதியான ஸ்டார்சேலே இல் அண்மையில் மேற்கொள்ளப் பட்ட ஆய்வுகளின் அடிப்படையில் கிடைத்த அரிதான DNA சான்றுகளின் மூலம் நியண்டெர்தால் மனித் மூதாதை இனம் ஐரோப்பாவில் இருந்து ஆசியாவுக்கு இடம்பெயர்ந்ததற்கு வலுவான ஆதாரம் கிடைத்துள்ளது.

மத்திய மேல் பேலியோலித்திக் காலப் பகுதி என அறியப் படும் இந்தக் காலப் பகுதியில் தான் நியாண்டெர்தால் மனித இனத்தின் மறைவும், நவீன மனிதனின் முன்னோடி இனமான ஹோமோ சேப்பியன்ஸ் பூமியில் ஆதிக்கம் செலுத்தவும் தொடங்கியது என்பது குறிப்பிடத்தக்கது. இந்த ஹொமொனின் இன எலும்புகளின் அரிதான வெளிப்பாடும், நன்கு பராமரிக்கப் படாத தன்மையினாலும் இதுவரை DNA ஆதாரம் மிகவும் அரிதாகவே கிடைத்து வந்தது.

ஸ்டார்சேலே பகுதியில் இருந்து 150 எலும்பு மாதிரிகள் இடம் மாற்றப் பட்டு ஆய்வு செய்யப் பட்ட போது தனிப்பட்ட எலும்புகளின் சேர்க்கை மூலம் கைரேக கொண்டுள்ள நியண்டெர்தால் மனிதன் ஒன்றின் DNA ஆதாரம் கிடைத்த்து, இந்த ஆய்வை Zooarchaeology by Mass Spectrometry (ZooMS) என்றும் அழைப்பர். இப்பகுதியில் அடையாளம் காணப் பட்ட மேலதிக ஆயிரக் கணக்கான எலும்புத் துண்டுகள் அடையாளம் காணப் பட முடியாதளவுக்கு மிகச் சிறியவை ஆகும்.

குறித்த ஆய்வுக் குழு ரேடியோ கார்பன் டேட்டிங் மூலம் கண்டுபிடிக்கப் பட்ட நியண்டெர்தால் எலும்பு மாதிரிகளின் வயதை அறியும் போது அது கிட்டத்தட்ட 45 910 முதல் 45 340 ஆண்டுகள் பழமையானவை என்பது புலப் பட்டது. இந்த ஆய்வு முடிவுகள் யாவும் விஞ்ஞானத்துக்கான நேஷனல் அக்கெடமி பத்திரிகையில் வெளியிடப் பட்டுள்ளன.

இதேவேளை குறித்த ஆய்வில் 93% வீதமான எலும்பு மாதிரிகள் குதிரைகளின் உடையது என்றும் நியண்டெர்தால் இன மக்கள் இவற்றை வேட்டையாடி உட்கொள்ளவும் செய்தனர் என்றும் கூறப்பட்டுள்ளது. இது தவிர ஓநாய், பைசன், மற்றும் காண்டா மிருகங்களின் எலும்புச் சுவடுகளும் அகழப் பட்டுள்ளன. மேலும் நியண்டர்தால் இடம்பெயர்வு முறைகளை விளக்க உதவும் மரபணு உறவுகளைக் கண்டறிய முடியும் என்ற நம்பிக்கையில், இக்குழு mitochondrial DNA வரிசைமுறையைப் பயன்படுத்தி நியண்டர்தால் வம்சாவளியை உறுதிப்படுத்தியது மற்றும் “ஸ்டார் 1” என்று அவர்கள் பெயரிட்ட தனிநபரை அறியப்பட்ட பிற நியண்டர்தால் மக்களுடன் மரபணு ரீதியாக இணைக்கும் ஒற்றுமைகளைக் கண்டறிந்தது.

ஐரோப்பாவின் வேறு பல இடங்களில் பெறப்பட்ட நியண்டெர்தால் எலும்பு சுவடுகளுடன் தற்போதைய கிரீமியா வளைகுடாவில் பெறப்பட்ட மாதிரிகளும் ஒப்பிடப் பட்டதில் கிடைத்த இந்த சான்றுகள் ஐரோப்பாவிலும் ஆசியாவிலும் உள்ள நியாண்டர்தால்களுக்கு இடையேயான தொடர்பை வழங்குவதாக இக்குழு கூறுகிறது. இந்த சான்றுகளுடன் கூடுதலாக, அந்த இடத்தில் காணப்பட்ட பல சுவடுகள் அல்லது கருவிகள் ரஷ்ய சைபீய சமவெளியின் அல்தாய் பகுதியில் காணப்பட்ட கருவிகளைப் போலவே கட்டுமானத்தில் இருந்தன. இப்பகுதி ஐரோப்பாவின் பிற பகுதிகளில் இருந்து ஏறக்குறைய 3000 கிலோமீட்டர் தொலைவில் உள்ளது என்பது குறிப்பிடத்தக்கது.

ஆசியாவிற்குள் நியாண்டர்தால்கள் எடுத்திருக்கக்கூடிய பாதையைப் பற்றிய சில நுண்ணறிவுகளைப் பெற, கிரிமியன் தீபகற்பம் மற்றும் அல்தாய் பகுதிக்கு இடையே சாத்தியமான இடம்பெயர்வு வழித்தடங்களை மறுகட்டமைக்க, பேலியோக்ளைமேட் தரவைப் பயன்படுத்தி வாழ்விட பொருத்த மாதிரியை இக்குழு நடத்தியது. 120,000 முதல் 100,000 ஆண்டுகளுக்கு முன்பு அல்லது சுமார் 60,000 ஆண்டுகளுக்கு முன்பு ஒரு காலத்தில் சாதகமான காலநிலையை அனுபவித்திருக்கும் 55°N இல் ஒரு வழித்தடத்தை அவர்கள் அடையாளம் கண்டனர், இது நியாண்டர்தால் இயக்கம் மற்றும் கலாச்சார பரிமாற்றத்தை எளிதாக்கியது.

எலும்புத் துண்டின் அளவு மற்றும் நிலை துல்லியத்தில் சில வரம்புகளைக் கொண்டிருந்தாலும், நியாண்டர்தால் வாழ்க்கை மற்றும் இடம்பெயர்வு முறைகளின் பெரிய புதிரில் இந்த துண்டு இன்னும் ஒரு முக்கிய சான்றாகக் கருதப்படுகிறது.